ایران طرفین‌دن «اوچونجو آددیم»این دتاللارینین، او جمله‌دن یئنی نسیل سئنتریفوژلارا گاز وورولماسینا ایلک رئاکسییاسین‌دا، آمریکا مدافعه ناظری بو آددی‌می «نووه سازیشینی تاپدالاماق» آدلاندیریب و اونون فرانسالی همکاری ایسه اؤلکه‌سینین ایران طرفین‌دن «نووه سازیلشینه عمل ائتمه‌سی» اوچون سعیلرینی داوام ائتدیرجیینی بیلدیریب.

آمریکا مدافعه ناظری مارک ایسپئر، ۷ سنتیابر پاریس‌ده فرانسالی همکاری ایله کئچیردیی مطبوعات کونفرانسین‌دا، ایرانین «نووه سازیشینی پوزماسینی اعلان ائتمه‌سیندن» تعجوبلنمدیینی بیلدیریب.

«ایران اوللر ده هرطرف‌لی بیرگه فعالیت پلانینی پوزموشدو. اونلار ایللردیر نووه سلاحلارینین یاییلماماسی مقاویله‌سینی ده پوزوبلار، بونا گؤره، ایندی اعلان ائتدیکلری حرکت تعجوبلندیریجی دئییل»،- دئیه او علاوه ائدیب.

فرانسا مدافعه ناظری فلورنس پارلئی ده مطبوعات کنفرانس‌یندا اؤلکه‌سینین ایران طرفین‌دن «نووه سازیلشینه عمل ائتمه‌سی» ایستیقامتین‌ده سعیلرینی داوام ائتدیرجیینی وورغولاییب.

او قید ائدیب: «بیز ایرانلا گرگین‌لیگی آرادان قالدیرماق اوچون الیمیزدن گلنی ائتملیگیک».

ایرانین آتوم انرژی‌سی آگئنتلیینین سؤزچوسو بهروز کامالوندی شنبه گونو ایران ایسلام رئسپوبلیکاسینین هرطرف‌لی بیرگه فعالیت پلانی چرچیوه‌سین‌ده «عهده‌لیکلرینی آزالتماق ایستیقامتین‌ده اوچونجو آددیم»این آتیلماسی اوچون یئنی نسیل سنتریفوژلارا قاز وورماغا باشلادیغینی بیلدیریب.