آنا صحیفه پلانت |
شرقی آذربایجانین هریس، اهر و سردری شهرلرینده یول-نقلیات حادثهلری قئیده آلینیب.
هریسدهکی قزا ایله باغلی معلومات وئرهن تعجیلی یاردیم رئیسی رضا ایبراهیمی حادثهنین زرنه-کالوانا یولوندا باش وئردیینی بیلدیریب.
«پژو-۴۰۵» و «پژو-۲۰۶» ماشینلارینین توققوشماسی نتیجهسینده اورتایا چیخان قزادا ۷۵ یاشلی قادین و ۳۵ یاشلی کیشی اولماقلا ۲ نفر اؤلوب، ۶ نفر یارالانیب. یارالیلار تعجیلی یاردیم ماشینی ایله هئریسین امام حسین خسته خاناسینا چاتدیریلیب. ۶ یارالیدان اوچونون دورومو آغیر اولماسی سببی ایله یارالیلار هلیکوپترله تبریزین امام رضا خسته خاناسینا کؤچورولوب.
سردریده باش وئرهن قزا ایسه «وانت» یوک ماشینینین تکرینین پارتلاماسی ایله اورتایا چیخیب. ماشینین آشماسی نتیجهسینده ۲ نفر اؤلوب، ۳ نفر یارالانیب.
اهر شهرینده «نیسان» مارکالی یوک ماشینینین عزادارلیق ائدن دسته ایله توققوشماسی نتیجهسینده میدانا گلن دیگر قزادا ایسه ۹ یاشلی اوشاق اؤلوب، ۵ نفر یارالانیب.
حادثه ایله باغلی دانیشان اهر طبی و تاخیرسالینماز مرکزینین رئیسی مرضی حسینزاده قزانین قزانین شهرین آدیلاباد محلهسینده میدانا گلدیینی بیلدیریب. حادثه نتیجهسینده یارالانانلار اهرین باقر العلوم خسته خاناسینا یئرلشدیریلیبلر.
تاریخ
2019.09.11 / 14:05
|
مولف
Axar.az
|