۳ ککلیک اوولایان اووچویا ۶ ککلیک بالاسینی آلیب، بسله‌ییب، طبیعته بوراخماسی ایله باغلی حکم وئریلیب.

بو باره‌ده سرئیین ۲-جی جینایت محکمه‌سینین ۱۰۱-جی شعبه‌سینین حاکمی قدیر محمدی معلومات وئریب.

معلوماتا گؤره، معین مدت‌دن سونرا اووچو بورجونو یئرینه یئتیرمک باره‌ده محکمه‌یه معلومات وئریب. اونون ایفاده‌سینی ایکی طبیعت قوروق‌چوسو اؤز ایفاده‌لری ایله تصدیقله‌ییب. لاکین معین مدتدن سونرا اونلارین وئردیی ایفاده‌لرین یالان اولدوغو اوزه چیخیب. آردینجا محکمه یالان ایفاده وئره‌ن طبیعت قوروقچولارینین هر بیرینی ۶ عدد کک‌لیک بالاسینی آلاراق بسله‌ییب، طبیعته بوراخماغا محکوم ائدیب. بوندان علاوه طبیعت کشیکچیلری اطراف موحیطین قورونماسی ایله باغلی کئچیریلن تعلیم کورسلاریندا ایشتیراک ائتمه‌یه ده محکوم ائدیلیب.