آنا صحیفه پلانت |
روسییا علملر آکادمییاسینین اقتصادیات اینستیتوتو گلوبال میقیاسدا نفته طلباتین گلجیی ایله باغلی آنالیز حاضرلاییب.
آخار. آذ خبر وئریر کی، بو سؤزلری اقتصادچی رؤوشن آغایئو دئییب. او بیلدیریب کی، ۲۰۰۴-۲۰۱۷-جی ایللرده دونیانین انرژی ایستهلاکیندا نفتین پایی ۲.۵ فایز آزالاراق ۳۴.۲ فایزه ائنیب و بونون اوزینده برپا اولونان انرژی نؤعلرینین خصوصی چکیسی ۰.۷ فایزدن ۳.۶ فایزه یوکسلیب:
«اما داها دیقتچکهن مقام انرژی نؤعلری اوزره ایستهلاکین آرتیم تمپلری آراسیندا مشاهیده ائدیلهن کسکین فرقلردیر. ۲۰۰۴-۲۰۱۷-جی ایللرده نفت ایستهلاکینین حجمی هر ایل اورتا حسابلا ۰.۵ فایز آرتدیغی حالدا، برپا اولونان انرژی اوزره بو آرتیم ۴ فایز اطرافیندا اولوب.
۲۰۰۴-۲۰۱۳-جو ایللرده کؤمور ایستهلاکینین اورتا ایللیک آرتیم تمپی ۰.۵ فایزی اؤتسه ده، ۲۰۱۳-۲۰۱۷-جی ایللرده ۰.۳ فایزه یاخین آزالما مشاهیده ائدیلیب. پروسئس لنگ گئتسه ده، گلوبال انرژی ایستهلاکی گلجیین یؤنونو چوخ آیدین گؤستریر.
مشهور ایفادهده دئییلدیی کیمی، نفت بیتمهیهجک، اما نفت ائراسی بیتهجک.
اما بو دفعه کؤمور و اودون کیمی بیر طبیعت محصولونون یئرینی باشقاسی (نفت، قاز) توتمایاجاق. زکانین محصوللاری - کولک، گونش، دیگر برپا اولونان انرژی نؤولری عوضائدیجییه چئوریلیر».
تاریخ
2019.09.16 / 12:11
|
مولف
Axar.az
|