سعودییه عربیستانین‌دا نفت زاوودونا هوجوم کیمی آددیملاری ایرانا باغلاماق یالان‌دان باشقا بیر شئی دئییل. بو ادعا کؤکوندن یالان و اساس‌سیزدیر.

بونو ایرانین خاریجی ایشلر ناظیرلیینین رسمی سؤزچوسو سید عباس موسوی دئییب.

آمریکا دؤولت کاتیبی مایک پومپئونون سعودییه‌نین نفت تاسیساتلارینا هوجوملا باغلی ایرانی اتهاملاندیرماسینا مناسیبت بیلدیره‌ن ایران رسمی‌سی سؤزوگئدن ادعالارین یالان و اساس‌سیز اولدوغونو بیلدیریب.

"بئش ایلدیر یمن محاربه‌ده‌دیر. ایران ایللردیر آچیق-آیدین اعلان ائدیر کی، یمن خالقینین حقوقلارینی مدافعه ائدیر. بو کیمی ادعالاری ایرانا باغلاماق یالاندیر"، دئیه موسوی آمریکانین اتهاملارینی اساس‌سیز اولدوغونو دقته چاتدیریب.

قید ائدک کی، حوثیلر ۱۴ سنتایبردا سعودییه عربیستانین ان بؤیوک نفت زاوودو اولان آبقایق تاسیساتلارینا هجومون مسئولیتینی اوزرینه گؤتوروب و سعودییه عربیستانین یمنه هجوملارینین داوام ائدجیی تقدیرده اوخشار آددیملارین داوام ائدجیینی دئییبلر.