آوسترالییالی آراشدیرماچیلار ایندیدک ایر‌لی سوروله‌ن نظریه‌لرین عکسینه اولاراق، اؤلولرین مزاردا «ساکیت یاتمادیقلارینی» ادعا ائدیب.

آخار. آذ خبر وئریر کی، سورتلندیریلمیش کامرالارلا رئاللاشدیریلان چکیلیشلرده اؤلو بدنین قوروما و چورومه پروسسین‌ده عضولرینین حرکت ائتدیینی اورتایا چیخاریب.

۷۰ جسد اوزرینده آراشدیرما آپاران آوسترالییا تجروبه آراشدیرمالاری مرکزی (آفتر) اؤلموش بدنین بیر ایل کئچدیکدن سونرا بئله اورقانلارین حرکت ائتدیینی آشکار ائدیب.

سورعتلندیریلمیش کامئرالار ۱۷ آی عرضین‌ده هر ۳۰ دقیقه‌دن بیر جسدلرین فوتولارینی چکیب. الده ائدیله‌ن نتیجه‌لرده بدنین قوروما و چورومه پروسسین‌ده حرکت ائتدیی بل‌لی اولوب. بونون خصوصاً دئتئکتیولر و پاتولوقلار اوچون اؤنملی بیر کشف اولدوغو بیلدیریلیب.

آراشدیرماچی آلیسون ویلسون قید ائدیب کی، آراشدیرمالار زامانی قوللارین حس ائدیله‌جک سوییه‌ده حرکت ائتدیینی اوزه چیخاریبلار: «بدنی ساریلمیش و یا بدنین یانین‌دا دوران قوللار یا یانا دوشور، یا دا گئنیش آچیلیر. یانا آچیلان قوللار یئنی‌دن گئری حرکت ائد‌رک بده‌نه توخونور».

ویلسونا گؤره، بو حرکتله‌نمه بیرلشدیریجی توخومالارین قوروماسییلا بدنین کیچیلیب بوزولمه‌سین‌دن ایر‌لی گله بیلر.

نیوکاسل اونیورسیتتینین آنروپولوقو خانت مالتت ایسه بیلدیریب کی، اؤلونون حرکت ائتمه‌سی اینسانلاری تعجبلندیره‌جک: «من بونو گؤره‌ن‌ده حیرتلندیم، قوللارین بو فورمادا حرکت ائتمه‌سینی گؤره‌نده آغزیم آچیلی قالدی».

بوگوندک جسدین اوزون ایللردن سونرا دا، مزارا قویولموش وضعیت‌ده قالماسینا اینانیلیردی.