ایسرائیلین باش ناظری اؤلکه‌سینین بؤلگه‌ده ایرانا قارشی باش وئره بیله‌جک هر هان‌سی بیر سنارییه «تام حاضر اولدوغونو» بیلدیریب.

بنیامین نتانیاهو اؤتن شنبه گونو سعودییه عربیستانینین شرقین‌ده‌کی نفت آییرما زاوودلارینا هجوم‌دان و بو بحرانین بؤلگه‌ده محاربه آتموسفئرینه چئوریلمه‌سینین مومکونلویون‌دن سونرا ایرانلا سعودییه عربیستانی آراسین‌دا گرگینلشن بحرانا ایلک آچیق رئاکسییا اولاراق بو باره‌ده دانیشیب.

«رئوتئرس»این معلوماتینا گؤره، ایسرایل اوردوسو رادیوسونا وئردیی مصاحیبه‌ده نتانیاهو اؤلکه‌سینین تهلوکسیزلیینی ۳۶۰ درجه قورودوغونو و آمریکا ایله ایران آراسین‌دا محاربه باش وئردیی تقدیرده ایسرایلین هر بیر احتیمالا تام حاضر اولدوغونو دئییب.

پارلامنت سئچکیلری عرفه‌سین‌ده بنیامین نتانیاهو ایله مصاحیبه ائد‌ن ایسرائیل حربی رادیوسو، سعودییه عربیستانینین نفت اعمالی زاوودلارینا شنبه گونو ائتدیی هوجوملاردان سونرا بؤلگه‌ده‌کی محاربه و ایسرائیل اوچون اولا بیله‌جک وضعیته رئاکسییاسینی سوروشوب.

ایران ایسلام رسپوبلیکاسینین دستکلدیی یمه‌ن هوسیلرینین حربی قانادی ساییلان انساروللاه قروپلاشماسی ۱۴ سنتیابر شنبه گونو سعودییه عربیستانینین شرقین‌ده‌کی نفت بازالارینا «درون هوجوملاری»نا گؤره مسئولیتی اؤز اوزرینه گؤتوروب، لاکین آمریکا و سعودییه عربیستانی هجوملارین منشایینین یمن اولمادیغینی وورغولاییر.

سعودییه عربیستانی بازار ائرته‌سی گونو هوجوملارین ایران سلاحلاری واسطه‌سیله تؤردیلدیینی بیلدیریب، آنجاق ایرانی آچیق شکیل‌ده اتهام ائتمه‌ییب.

ایران سعودییه عربیستانینین اراضی‌سینه ائدیله‌ن هجوملارا موداخیله‌سی ایله باغلی اتهاملاری رد ائد‌رک، یمن حوثیلرینین «سعودییه عربیستانینین تؤرتدیی محاربه جینایتلرینه» رئاکسییاسینی «یمن خالقینین طبیعی حقوقو» آدلاندیریب.