آمریکا بیرلشمیش ایشتاتلارین دؤولت کاتیبی ۱۸ سنتیابر، چرشنبه آخشامی گونو تویتتئر مئساژین‌دا واشینگتنون ار-ریادی دستکلدیینی وورغولاییب.

ریاضا سفر ائد‌ن مایک پومپئو سؤزوگئ‌دن تویتر مساژین‌دا سعودییه عربیستانینین ولیعهد شاهزاده‌سی محمد بین سالمانلا سعودییه عربیستانین شرقین‌ده‌کی نفت اینفراستروکتورونا گؤرونممیش سون هجوملار باره‌ده دانیشدیغینی بیلدیریب.

بیرلشمیش ایشتاتلارین سعودییه عربیستانینین یانین‌دا اولدوغونو و بو اؤلکه‌نین اؤزونو مدافعه ائتمک حقوقونو دستکلدیینی بیلدیره‌ن آمریکا دؤولت کاتیبی دئییب کی، ایران رژیمینین هده‌لی داورانیشلارینا یول وئریلمه‌یه‌جک.

آمریکا دؤولت کاتیبی مایک پومپئو چرشنبه گونو سعودییه عربیستانینا داخیل اولارکه‌ن ده بو اؤلکه‌نین نفت اوبیکتلرینه ائدیله‌ن هجومو «محاربه آکتی» آدلاندیراراق دئییب: «هجوم سعودییه عربیستانینا و اونلارین اراضی‌سینه قارشی تؤردیلیب و اونلارا قارشی بیرباشا محاربه آکتی‌دیر».

آمریکا دؤولت کاتیبی همچینین علاوه ائدیب کی، بیرلشمیش ایشتاتلار ایرانین قارشی‌سینی آلماق اوچون آوروپا و عرب متفیقلری ایله کوالیسییا یاراتماق ایستییر.