آمریکا دؤولت کاتیبی مایک پومپئو مئدیانین و دونیا رسمیلرینین ایرانین خاریجی ایشلر ناظری جواد ظریفه گؤستردیی دقتدن تعجبلندیینی بیلدیریب.

بو باره‌ده "سی ان اس نیوز" معلومات یاییب.

معلوماتا گؤره، آبش دؤولت کاتیبی مایک پومپئو ایران خاریجی ایشلر ناظرینی یالان دانیشماق‌دا اتهام ائد‌رک بیلدیریب کی، گؤره‌سه‌ن نیه هامی ظریفه دقت یئتیریر: "دونیا ایرانین خاریجی ایشلر ناظرینه قولاق آسمامالی‌دیر. چونکی او، "آرامکو" نفت اوبیکتینه هجومون "انصاروللاه" حرکاتی طرفین‌دن ائدیلدیینی سؤیلییر. بیز و سعودییه بونون ایران‌لیلار اولدوغونا اینانیریق. باشقالارینین ایرانین خاریجی ایشلر ناظرینی نیه دینلدیینی بیلمیرم".

پومپئو قید ائدیب کی، ظریف آمریکانین ایجازه‌سینی آلیندیق‌دان سونرا ایکی دفعه آمریکایا سفر ائدیب و هر ایکی حال‌دا آمریکا مطبوعاتی اوندان دا مصاحیبه آلیب.