ایران سلاح‌لی قوه‌لرینین باش قرارگاه رئیسی محمد باقیری سنتیابرین ۲۴-ده اؤلکه پارلامنتین‌ده چیخیش ائد‌رک، یمن ساواشین‌دان، سعودییه عربیستانی و بیرلشمیش عرب امیرلیکلرین‌دن، ائلجه ده قونشو اؤلکه‌لرله مناسیبتلردن دانیشیب.

آخار. آذ خبر وئریر کی، اؤز چیخیشین‌دا سعودییه عربیستانینین نفت تاسیساتلارینا قارشی حیاتا کئچیریله‌ن درون هوجوملارینا ایهام ووران باقیری، ریاضی و بیرلشمیش عرب امیرلیکلرینی یمنین داخیلی ایشلرینه قاریشماق‌دا گناهلاندیریب: «حساب ائدیریک کی، سعودییه عربیستانی ایله بیرلشمیش عرب امیرلیکلرینین یمن باتاقلیغین‌دان قاچماق‌دان باشقا یوللاری یوخدور. بو گون یمن میللتی دوشمنی بئله بیر قناعته گلمه‌یه مجبور ائدیب.

دوشمنلریمیزه ایسه بیلدیریریک کی، بیز اؤلکه‌میزه قارشی مومکون هر هان‌سی بیر خاریجی تجاووزون قارشی‌سین‌دا محکم دایاناجاق، آمریکا و بریتانییانین تجاوزکار درون و گمیلرینه قارشی آتدیغیمیز آددی‌می اونلارا قارشی دا آتاجاغیق. دوشمنلریمیز بیلمه‌لی‌دیر کی، ایرانا تجاوز، اونلارین محوی و اسارته گؤتورولمه‌سی دئمکدیر.