اراکین «آذرآب» شیرکتینین ایشچیلری اوکتیابرین ۷-ی امک تهلوکسیزلیینین تعمین ائدیلمه‌مه‌سینه و معاشلارینین تاخیره سالینماسینا اعتراض اولاراق ایکی گون شیرکتین اراضی‌سین‌ده اعتراض آکسییاسی کئچیریبلر. خصوصی تیینات‌لیلار اعتراض آکسییاسینی داغیتماق مقصدیله گؤزیاشاردیجی گازدان ایستیفاده ائدیب.

«آذراآب» شیرکتینین ناراضی ایشچیلری آکسییانین ایکینجی گونون‌ده شیرکتین اراضی‌سینی ترک ائد‌رک اعتراضلارینی اینسانلارا چاتدیرماق ایسته‌ییبلر کی، خصوصی تعینات‌لی قوه‌لر یولو باغلایاراق بونا مانع اولوبلار. سوسیال شبکه‌لرده یاییلان ویدئولاردا خصوصی تعینات‌لی اعتراضچیلارا قارشی گؤزیاشاردیجی قازدان ایستیفاده ائد‌رک آکسییانی داغیدیب.

«کشاورزی بانکی» «آذرآب» شیرکتینین اساس سهمداری کیمی بو ایل سنتیابرین ۲۹-دا سهملرینین وئریلمه‌سینه حاضر اولمادیغینی آچیقلاییب. آوقوست و سنتیابر (مورداد و شهریور) آیلارینین امک حاقلارینی آلمایان ایشچیلر، اؤزل سکتوردان ال چکیلمه‌سینی و زاوودون ملکیتینین صنایع اینکیشافی و یئنی‌لمه تشکیلاتینا قایتاریلماسینی طلب ائدیرلر.