خبر وئردییمیز کیمی، بیر مدت اول خوی شهرینین سؤزده میللت وکیلی تاغی کبیری غربی آذربایجان ایالتینین پارچالانماسی و «سرحد آذربایجانی» («آذربایجان مرزی») ایالتینین یارادیلماسی ایله باغلی تکلیف لاییحه‌سینی ایران پارلامنتینه تقدیم ائتمیش‌دیر.

آخار. آذ خبر وئریر کی، همین زامان یئرلی اهالی ایله یاناشی بیر نئچه آذربایجان‌لی میلت وکیلی بونا قارشی چیخسا دا تاغی کبیری ایر‌لی سوردویو تکلیفی هله ده مدافعه ائدیر.

آرتیق اعتراضلارین نتیجه وئردیی، حکومتین بو پلان اوزرین‌ده هله‌لیک ایشلمدیی معلوم اولوب. بو باره‌ده غربی آذربایجانین سالماس شهرینه سفر ائد‌ن داخیلی ایشلر ناظیرلیینین اینضیباطی-اراضی بؤلگوسو بؤلومون رئیسی سعید جالالی معلومات وئریب.

«غربی آذربایجان‌دا یئنی ایالتین یارادیلماسی ایله باغلی یاییلان خبرلر یالان‌دیر. بو باره‌ده هئچ بیر تکلیف و یا قرار یوخدور. بو ایستیقامت‌ده حتی آراشدیرما دا آپاریلمیر، اونا گؤره کی، اؤلکه ایاتلرینین پارچالانماسی مقصده اویغون ساییلمیر.

اؤلکه‌نین ایندیکی وضعیتی ایسه یئنی ایالتین یارادیلماسینا قطیعن ایمکان وئرمیر.»- دئیه او وورغولاییب.