آمریکا پرئزیدئنتی دونالد ترامپ تورکییه‌نین سورییایا یؤنه‌لیک حربی عملیاتی ایله باغلی نؤوبتی دفعه آچیقلاما وئریب.

آخار. آذ خبر وئریر کی، ترامپ تورکییه‌نین عملیاتینی دستکلمدیینی بیان ائدیب.

ترامپ قئید ائدیب کی، تورکییه‌نین بو عملیاتی پیس بیر فیکیردیر:

"تورکییه‌نین "صولح چئشمه‌سی" (باریش پیناری) عملیاتینی دستکلمیرم، بؤلگه‌ده هئچ بیر آمریکا عسگری یوخدور. سیاسته گلدییم ایلک گوندن بو سونو گلمز و معناسیز محاربه‌لری داوام ائتدیرمک ایستمدییمی بیلدیردیم، خصوصیله ده بیزیم یاراریمیزا اولمایان عملیاتلاری. تورکییه مولکی وطنداشلاری، خریستیانلاری و دینی آزلیقلاری قورویاجاغینی و هر هان‌سی هومانیتار بحرانین یاشانمایاجاغینی وورغولادی".