«بلوومبورگ» آگنت‌لیگی آمریکا پرزیدنتی دونالد ترامپین آذربایجان اصیل‌لی ایش آدامی رضا ضرابین آزادلیغا بوراخیلماسی اوچون ۲۰۱۷-جی ایلده دؤولت کاتیبی رکس تیلرسونا تضییق گؤستردیینی ادعا ائدیب.

آخار.آذ خبر وئریر کی، آگنت‌لیک اووال کابینتده‌کی منبع‌یه ایستینادلا تیلرسونون ترامپین تکلیفینی رد ائتدیینی یازیب.

توپلانتی زامانی اووال کابینت‌ده‌کی شخصلرین بو تکلیفدن شوکا دوشدوکلری قید اولونوب.

ادعالارا گؤره، ایجلاس‌دان سونرا سابیق دؤولت کاتیبی آغ ائو آپاراتینین رهبری جون کئللییه ده غیری-قانونی اولدوغو اوچون ترامپین فیکرینین علیهینه اولدوغونو دئییب.

خاطیرلاداق کی، بیزنسمن رضا ضراب آمریکانین ایرانا قارشی سانکسییالارینی پوزدوغو ادعاسی ایله ۲۰۱۶-جی ایلین مارتین‌دا میامیده حبس ائدیلیب. تورکییه‌لی مغننی ابرو گوندئشله ائولی اولان ضرابین آلارا آدلی بیر قیزی وار.