اؤتن گون تورکییه‌نین ماردین و شانلیورفا بؤلگه‌لرینین میناآتانلارلا آتشه توتولماسی زامانی هلاک اولانلارین سایی ۷-ا چاتیب.

آخار. آذ خبر وئریر کی، شانلیورفانین آغجاقالا، بیرئجیک، جیلانپینار، ماردینین نوسایبین ایلچه‌لرینه دوشن مرمیلر ۸۵ نفرین یارالانماسینا سبب اولوب.

شانلیورفانین جیلانپینار ایلچه‌سینه آتیلان راکتلردن بعضیلری یاشاییش ائولرینه دوشوب. بورادا ۱۱ یاشلی الیف تریم آلدیغی قلپه یاراسین‌دان دونیاسینی دییشیب. ماردین بؤلگه‌سین‌ده ایسه ترورچولارین آتدیغی مرمی بیر عائله‌نین اوچ عضوونون (آنا و قیزلاری) اؤلومونه سبب اولوب.

بؤلگه‌ده تهلوکه‌سیزلیک تدبیرلری گوجلندیریلیب. حادثه یئرینده آراشدیرما آپاران اکسپرتلر مرمیلرین بعضیلرینین روس، بعضیلرینین ایسه آمریکا ایستحصالی اولدوغونو بیلدیریبلر.