روسییا خاریجی ایشلر ناظرلیگی (خین) تورکییه اوردوسونون سورییانین شیمالین‌دا آپاردیغی حربی عملیاتلارلا باغلی بیانات یاییب.

آپا-نین خبرینه گؤره، بیانات‌دا بیلدیریلیب کی، سون گونلر تورکییه اوردوسونون سورییانین شیمالین‌دا آپاردیغی حربی عملیاتلار جدی ناراحاتلیق دوغورور.

روسییا بوتون طرفلری ماکسیمال درجه‌ده صبرلی اولماغا، آتیلاجاق آددیملاری دقیقلشدیرمه‌یه، سورییانین سوورئنلیینه و اراضی بوتؤولویونه حؤرمت ائتمه‌یه چاغیریب.

«تورکییه‌نین تهلوکسیزلیینی تعمین ائتمک اوچون ترورچولارلا مباریزه‌سینین واجیبلیینی شوبهه آلتینا قویموروق» – دئیه بیانات‌دا قید اولونوب.

بیانات‌دا او دا بیلدیریلیب کی، قید اولونان بؤلگه‌ده سوله و ثابت‌لیک آنجاق تورکییه، سورییا حکومتی و کوردلر آراسین‌دا دیالوگ واسطه‌سی ایله تعمین اولونا بیلر: «موسکوا بو جور دیالوقا واسطه‌چی‌لیک ائتمه‌یه حاضر اولدوغونو تصدیقلییر».