تورکییه‌نین سورییانین شیمالین‌داکی ترور دهلیزینه قارشی باشلاتدیغی «باریش بولاغی» (باریش پیناری) عملیاتی ایران‌دا جمعه خطبه‌لرین‌ده هدف آلینیب.

آخار. آذ خبر وئریر کی، ایرانین عالی دینی لیدری سید علی خامنه اینین ایالت نماینده‌لری اولان جمعه اماملاری خوتبه‌لرین‌ده عملیاتی تنقید ائدیبلر.

خطبه اوخویان ایماملاردان بیری داها ایر‌لی گئده‌رک عملیاتی «مغول واری هجوم» آدلاندیریب.

احمد حامی (تهران): «تورکییه‌نین بو جهدی موستقیل بیر دؤولته هوجومدور. ایران دؤولتینین مؤوقعیی هجوملارین درحال دایاندیریلماسی و تورکییه‌نین سورییا تورپاقلارین‌دان چکیلمه‌سی‌دیر».

محمدعلی علی-هاشیم (تبریز): «تورکییه‌دن سورییانین سرحدلرینه و سوورنلیینه حؤرمت ائتمه‌سینی ایستییریک».

رسول فلاحتی (رشت): «تورکلر هله ده عثمانلی ایمپرییاسینی دیرچلتمیی خیال ائدیرلر، اما مغولواری هوجوملارین دؤورو کئچمیشدیر».

محمد مهدی حسینی (کرج): «تورکلر عثمانلی ایمپرییاسینین خیالی ایله آمریکانین میدانیندا اویناماقدادیر».

محمد ساغچیراغی (سیمنان): «سورییا اؤز اؤلکه‌لرینی یئنی‌دن اینشا ائتمه‌یه چالیشارکن، تورکییه بو اؤلکه‌یه هجوملا خالقی ناراحات ائدیر».