ایرانین شیمال ایالتلرین‌دن بیر نئچه میللت وکیلی خزر دنیزینین سویونون باشقا ایالتلره آپاریلماسینا اعتراض ائدیبلر.

اعتراض علامتی اولاراق مازانداران، گلستان و گیلان ایالتلرینین میللت وکیللری ایسلام شوراسی مجلی‌سینده توپلاشیب.

وکیللر «خزر دنیزین‌دن سو گؤتورمه‌یه یوخ»، «موتخصیصلرین فیکرینه قارشی قرار خزر دنیزینین محوینه برابردیر»، «میللت خزرین محوینه اجازه وئرمیر»، «زاینده رود و اورمو گؤلو بلاسینی خزر دنیزینین باشینا گتیرمیین» مؤوضوعلارین‌دا یازیلار یازیب، مجلیس‌ده نماییش ائتدیریبلر.

بیر قروپ میللت وکیلی مجلیسین گوندلیینی قیساجا دایاندیریب و لؤحه‌لر قالدیریب.

ایجلاسا صدرلیک ائد‌ن مسعود پزشکییان بونون اسلامی مشورت مجلیسینین داخیلی قایدالارینا ضد اولدوغونو تکرارلایاراق میلت وکیللرین وظیفه‌لرینه قاییتماغی طلب ائدیب.

قید ائدک کی، گیلان، مازانداران و گولوستان ایالتلرینین میللت وکیللری خزر سولارینین پرزیدنت روحانینین آنا یوردو سمنان ایالتینه وئریلمه‌سینه قارشیدیرلار. اونلار بو ایشی چئوره و خزر دنیزی اوچون «بؤیوک فاجعه» آداندیریرلار.