ایران بو ایلین اربعین یوروشونه ۳.۵ میلیون وطندشینین زووار اولاراق قاتیلدیغینی بیلدیریب.

بونو ایرانین داخیلی ایشلر ناظری عبدالرضا رحمانی فضلی دئییب.

ایران‌لی ناظر اؤتن گونکو آچیقلاماسین‌دا بیلدیریب کی، اؤتن ایلله مقاییسه‌ده بو ایل ۱.۲ میلیون علاوه زووار اربعینه زیارتینه قاتیلیب. فضلینین سؤزلرینه گؤره بو ایل ۳.۵ میلیون ایران‌لی اربعین یوروشونه قاتیلیب.

بو ایلین اربعین زیارتینه قاتیلانلارین عمومی سایینا گلدکده ایسه هله عراق رسمیلری بو باره‌ده رسمی معلومات یاییملاماییبلار. اؤتن ایل بو رقمین ۱۲ میلیون جیوارین‌دا اولدوغو دئییلیب.