فرانسا خاریجی ایشلر ناظرلیگی ایرانا سفر ائتمیی پلانلاش‌دیران اؤلکه وطنداشلارینی بو قرارلارینا «جدی شکیل‌ده» یئنی‌دن باخماغا و بو اؤلکه‌یه سیاهت پلانلارینی «باشقا واختا تخیره سالماغا» چاغیریب.

آخار. آذ خبر وئریر کی، کئچه‌ن ایلین ایول آیین‌دا ناظیرلیین اوولکی قیمتله‌ن‌دیرمه‌سین‌ده فران‌سا وطنداشلارینا سفرلرینی «مومکون قدر» تاخیره سالمالاری توصیه ائدیلمیش‌دی. فرانسانین خاریجی سیاست ایداره‌سی حساب ائدیر کی، سون حادثه‌لر سببیله حاضردا ایرانا سفر ائتمک تهلوکه‌لری آرتیب.

فرانسا خاریجی ایشلر ناظرلیگی، ایرانین وضعیتی ایله باغلی سون قیمتله‌ندیرمه‌سین‌ده، «ایرانین تهلوکه‌سیزلیک و کشفیات قوه‌لرینین اؤزباشینا» حرکتلرینی «ریسک‌لی» حساب ائد‌رک، فران‌سا وطنداشلارینی «ایش و یا شخصی سیاهت پلانلارینی جدی شکیل‌ده تخیره سالماغا» چاغیریر.

بو باره‌ده فرانسا خاریجی ایشلر ناظیرلیینین بیاناتین‌دا دئییلیر: «ایرانین تهلوکه‌سیزلیک و کشفیات خیدمتلری طرفین‌دن اؤزباشینا ساخلانما و حبسلره گؤره بو اؤلکه‌یه سیاحت ائتمک ریسک آلتین‌دادیر».

قیمتلندیرمه سؤزوگئ‌دن قوه‌لرین عمومیتله «[اینسانلارین شخصی حیاتینا] چوخ قاریشدیغی و بونونلا باغلی، او جمله‌دن اونلارلا علاقه‌ده اولان خاریجی وطنداشلاری و خصوصیله آکادئمیک دایره‌لری خصوصی نظارت‌ده ساخلادیغی»نا دایر خبردار ائدیر.