ایرانین نقلیات و شهرسالما ناظری محمد ایسلامی سورییانین یئنی‌دن اینشاسی ایشلرینه دایر بیاناتلار وئریب.

ناظر ایسلامی "ایران-سورییا بیرگه کومیس‌سییاسینین صدری کیمی بو مسئله‌ده اؤزل سکتور یؤنوم‌لو تدبیرلر حاضیرلادیق. دمشق‌ده بیرگه تیجارت پالاتاسی یارادیلیب. ایران فیرمالاری آکتیو اولاراق بو ایل ایلکی کئچیریله‌ن ایختیصاص سرگی‌سین‌ده ایشتیراک ائدیب"،- دئییب.

ایران شیرکتلرینین سورییا طرفیله گئنیش موذاکیره‌لر آپاردیغینی بیلدیره‌ن ایسلامی "بو مسئله‌ده هم تهران‌دا، هم ده دمشق‌ده علاقدار ناظیرلرله بیر نئچه دفعه گؤروشدوک. ایران تیکینتی شیرکتلرینین سورییادا فعالیت گؤستره بیلمه‌سی اوچون لازی‌می زمین یارانیب"،- آچیقلاماسینی وئریب.

علاوه اولاراق ایسلامی ایران فیرمالارینین هان‌سی بؤلگه‌لرده ایشله‌مه‌سی مسئله‌سین‌ده سورییا طرفینین قرار وئرجیینی دئییب.