آمئریکا سورییا ایله تورکییه آراسیندا توققوشمانین اولماسینی ایستییر، بونونلا موسکوا-آنکارا آراسیندا پروبلملره یول آچماغا، آرالیق دنیزینی روسییا اوچون باغلاماغا چالیشیر.

آخار. آذ خبر وئریر کی، بو ادعانی روسییالی سیاسی اکسپرت آلئکسئی فئنئنکو سسلندیریب.

"آمریکانین سون حرکتلری تورکییه و سورییا آراسیندا قارشی‌دورما اولماسینی ایستدیینی گؤستریر. مسئله بوراسیندادیر کی، آمئریکا اؤزونو تورکییه‌نین سورییاداکی پروبلملریندن کنارا چکمک، تورکییه‌یه بیر تهلوکه‌سیزلیک ساحه‌سی وئرمیی پلانلاشدیریر. داها سونرا دا "بویورون، کونفلیکتی نئجه ایستییرسینیزسه، دمشقله حل ائدین" دئمک ایستییر. آمئریکا همچینین روسییا، تورکییه و ایران آراسیندا آستانا فورماتینی، روسییا-تورکییه مناسیبتلرینی پوزماغا چالیشیر. واشینگتنون منطیقینه گؤره، تورکییه سورییا ایله اوزون مدتلی بیر قارشی‌دورمایا گیررسه، موسکوا ایله آنکارا آراسینداکی مناسیبتلرده ده چتینلیک یارانار. بو بحران نه روسییایا، نه تورکییه‌یه لازیم‌دیر، آنجاق آمریکانین بونا چوخ احتیاجی وار"، - فئنئنکو قید ائدیب.