اورمو گؤلونون جانلاندیریلماسی اوچون نظرده توتولان ایکی لاییحه‌نین وسایت چاتیشمازلیغیندان دولایی دایاندیریلدیغی بیلدیریلیر.

آخار. آذ خبر وئریر کی، بو باره‌ده اورمو گؤلونو جانلاندیرما مرکزینین پلانلاشدیرما بؤلومونون مسئولو علی حاجی مورادی معلومات وئریب.

او بیر مدت اول بیلدیرمیشدیر کی، «تبریز و اورمییادا اورمو گؤلونه آخیدیلان کانالیزاسییا سولارینی تمیزله‌مک مقصدی ایله تمیزله‌مه-سافلاشدیرما قورغولارینین قوراشدیریلماسی لاییحه‌لری اوزرینده ایشه باشلانیلیب. بو لاییحه‌لر تبریزدن اورمو گؤلونه آخیدیلان ۱۲۵ میلیون کوبمتر و اورمییادان گلن ۵۳ میلیون کوبمتر کانالیزاسییا سویونون تمیزله‌نمه‌سی اوچون نظرده توتولوب. لاییحه‌لردن بیری پاییزین آخیر آیی، دیگری ایسه گلن ایل یازین اورتا آیین‌دا ایستیفاده‌یه وئریله‌جک.»

علی حاجی مورادی آرادان ۳ آی کئچدیک‌دن سونرا لاییحه‌لرین بودجه وسایتی چاتیشمازلیغیندان دایاندیریلدیغینی آچیقلاییب.