آنا صحیفه پلانت |
ایرانین قیدیات بوروسونون ایستاتیستیک تحلیل شعبهسینین مدیری علیرضا ساجدی بیلدیریب: ۲۰۱۸-جی ایلده اؤلکهده ۵۵۰ مین ۵۶۵-ا یاخین نیکاح قیده آلینیب، بو دا ۲۰۱۷-جی ایلین عینی دؤورو ایله مقاییسهده ۹ فایزدک آزالما دئمکدیر.
اونون سؤزلرینه گؤره، اؤلکهده نیکاحلارین آزالماسی تندنسییاسی ۲۰۰۱-جی ایللرین سونلاریندا باشلاییب و هله ده داوام ائدیر.
تسنیم خبر آگئنتلیگی ۲۰۱۹-جو ایلین ایون آییندا اؤلکهده ائولیلیک و بوشانمالارین «قیرمیزی وضعیتی» بارهده معلومات وئرمیشدی.
معلوماتا گؤره، «هر بوشانمایا گؤره نیکاحلارین سایی ایله باغلی ایستاتیستیکا اؤلکهده بو ساحهده وضعیتین منفی اولدوغونو گؤستریر؛ ۲۰۰۸-جی ایلده هر ۸ ائولیلیک اوچون بیر بوشانما حالی باش وئریب کی، ۲۰۱۸-جی ایلده بو رقم هر بیر بوشانمایا گؤره ۳،۱ نیکاحا آزالیب».
علیرضا ساجدی داها سونرا کیشیلرده و قادینلاردا ائولیلیین اورتا یاشی ایله باغلی دئییب: کئچن ایل ایلک ائولیلیینده قادینلارین اورتا یاشی ۲۳ تشکیل ائدیب، ۱۹۸۰-جی ایللرین اوللرینده ایسه بو رقم ۱۸ یاش ایدی.
قیدیات بوروسونون رسمیسینین بیلدیردیینه گؤره، ۲۰۱۸-جی ایلده ان چوخ نیکاح سایی قادینلاردا ۱۹-۲۵ یاش آراسی، کیشیلرده ایسه ۲۵-۲۹ یاش آراسیندا قیده آلینیب.
تاریخ
2019.11.07 / 17:34
|
مولف
Axar.az
|