"کیفایت قدر دیپلوماتییایا واخت وئرمیشیک. دؤردونجو آددیم آتیل‌دی، اگر وضعیت دییشمه‌سه اؤهده‌لیکلریمیزی آزالتماغا داوام ائجییک."

آخار. آز خبر وئریر کی، بونو ایرانین خاریجی ایشلر ناظرینین موعاوینی عباس اراق‌چی کوتلوی قیرغین سلاحلارینین قاداغاسی باره‌ده کئچیریله‌ن کونفرانس‌دا چیخیشی زامانی دئییب.

ایران رس‌می‌سی اؤلکه‌سینین ایکی گون اؤنجه نووه سازیشین‌ده‌کی اؤهده‌لیکلرینی دؤردوجو دفعه اولاراق آزالتماسینا توخونوب و بیلدیریب کی، آوروپا طرفی اؤهده‌لیکلرینه عمل ائتمه‌سه ایران سازیش‌ده یئر آلان اؤهده‌لیکلرینین ایجراسینی نؤوبتی دفعه آزال‌داجاق.

قئید ائدک کی، ایران سؤزوگئ‌دن آددیم چرچیوه‌سین‌ده فوردو نووه زاوودونو تام شکیل‌ده ایشه سالیب و بورادا اورانین زنگینلشدیریلمه‌سینی ۴.۵ فایزه چاتدیریب. ایران همچینین بو آددیم چرچیوه‌سین‌ده نتنز نووه رئاکتورون‌دا یئنی نسیل سئنتریفوقا یئرلشدیریب. ایران، بو آددیملارین آتیلماسینی آبش-این سازیش‌دن چیخماسی، سانک‌سییالارا باشلاماسی و آوروپانین نئفتین ایخراجی و بانک عملیاتلاری ایله باغلی ودلره عمل ائده بیلمه‌مه‌سیله الاقلندیریب.