بوناب و ماراغا شهرلرین‌دن گلن خبرلره گؤره، میللی فعال و «میللی دوشه‌نجه» تئلئقرام کانالینین رهبری سید مینایی چوخ سای‌دا آذربایجان تئلئقرام کاناللارین‌دا یاییلان پانیران‌چی‌لیقلا ائرمه‌نی لوببی‌سینین باغلانتی‌سی آدلی مقاله‌نین درج ائدیلمه‌سی ایله الاقدار خصوصی دایره‌لر طرفین‌دن سیخ تضییقلره و محکمه تعقیبلرینه معروض قالیب.

آخار. آز خبر وئریر کی، اورمییه گؤلونون قورودولماسینا اعتراض اولاراق ۲۰۱۸-جی ایل آپرئلین ۲۳-ده حبس ائدیله‌ن سید مینایی آذربایجانین تانینمیش مدنیت و مئدیا خادی‌می‌دیر.

بیلدیریلیر کی، بوناب شهر ساکینی اولان آذربایجان‌لی مده‌نی فعال، بیر چوخ تئلئقرام کاناللارین‌دا آراز ماراغالینین قله‌می ایله آدی چکیله‌ن مقاله‌سینی یئرلشدیردیک‌دن سونرا «دارالمولک» کیتابینین مؤلفی اسغر موهممدزاده آدلی شخ‌سین شیکایتی ایله فیلیال ماراغا شهر محکمه‌سینه گلمه‌یه مجبور ائدیلیب و گیروو موقابیلین‌ده موقتی سربست بوراخیلیب.