تورکییه پرزیدنتی رجب طیب اردوغان، عراق‌دا کوتلوی اعتراضلارا توخوناراق، «ایسلام دونیاسین‌دا پارچالانما یاراتماق» ایسته‌یه‌نلرله باغلی خبردارلیق ائد‌رک، عراق‌دا اعتراضلارین ایرانا دا یاییلا بیلجیینی دوشوندویونو بیلدیریب.

آخار. آذ خبر وئریر کی، مجاریستانا سفری چرچیوه‌سین‌ده ژورنالیستلره آچیقلاما وئرن اردوغان، تورکییه‌نین سورییانین شیمالینا هجومو ایله باغلی ایرانین مؤوقعینی ده تنقید ائدیب.

او، ایرانین عملیاتلا باغلی مؤوقعینین تورکییه‌نی «اینجیتدیینی» قید ائدیب.

قید ائدک کی، سون ایکی آیدا عراقین موختلیف شهرلرین‌ده اقتصادی و آنتی‌کورروپسییا طلبلری ایله باغلی گئنیش اعتراض دالغاسی یاشانیب و آکسییالار زامانی اعتراضچیلار بیر سیرا حاللاردا ایران علیهینه شعارلار سسلندیریبلر.

کربلا شهرین‌ده تهلوکه‌سیزلیک قوه‌لرینین ایران کونسوللوغونون قارشی‌سین‌دا اعتراضچیلارلا توققوشماسی نتیجه‌سین‌ده بیر نئچه اعتراضچی هلاک اولوب.