بؤیوک بریتانییا، فرانسا، آلمانییا و آوروپا اتفاقینین (آی) خاریجی سیاست اوزره کمیساری فدئریکا موگرینی بیرگه بیاناتلا چیخیش ائدیبلر.

آخار. آذ خبر وئریر کی، بیاناتین مؤلفلری ایرانین نووه پروقرامینین برپاسی ایستیقامتین‌ده آتدیغی دؤردونجو آددیم‌دان ناراحات اولدوقلارینی بیلدیریبلر. اونلار رسمی تهرانی ۲۰۱۵-جی ایلده ایمضالانان راضیلاشمایا عمل ائتمه‌یه چاغیریبلار. ایرانین خاریجی ایشلر ناظری محمد جواد ظریف بونا جواب اولاراق بیلدیریب کی، اؤلکه‌سی راضیلاشمایا اساساً اوزرینه گؤتوردویو عهده‌لیکلره عمل ائدیب. لاکین قارشی طرف هئچ بیر شرطی یئرینه یئتیرمه‌ییب.

آوروپا دؤولتلرینین سازیشین بیر بندینی ده یئرینه یئتیرمدیینی بیل‌دیره‌ن ناظر دئییب: «ایران بیر ایل گؤزله‌دی و اومید ائتدی کی، آوروپالیلار هئچ اولماسا عهدلیینین بیر قیسمینی یئرینه یئتیرر. لاکین هئچ بیر نتیجه اولمادی. ایندی آوروپا اؤلکه‌لرینین ناظرلری هان‌سی حاقلا ایران‌دان عهده‌لییه عمل ائتمه‌سینی طلب ائدیرلر؟