ضمانت‌لی بوغدا آلیشی کئچه‌ن ایل ۵۰۰ تومن آرتاراق ۲،۲۰۰ تومن تشکیل ائتسه ده، زنجان‌لی اکین‌چیلر اکین زامانی بوغ‌دایا اوستونلوک وئرمک ایستمیرلر.

آخار. آز خبر وئریر کی، بو باره‌ده زنجان کند تصروفاتی مودیری جامال انساری معلومات یاییب. او بیلدیریب کی، بوغ‌دا اکیمین‌ده اوولکی ایللرله موقایی‌سه‌ده آرتیم موشاهی‌ده ائدیلمه‌ییب.

«کند تصروفاتی ایداره‌سینین مقصدی و پلانی بوغ‌دا ایستحصالینی آرتیرماق دئییل. بو ایل ده اکین‌چیلر اؤت‌ن ایلدکی کیمی محصول اکیبلر. بو سبب‌دن محصولدارلیق آرتماییب. بؤلگه‌ده‌کی پاییزلیق اکین ساحه‌سی ۳۴۰ مین هئکتار تشکیل ائدیر. بوغدا اکین‌چی‌لیگی اوچون، تخمیناً، ۲۹۰ مین هئکتار، سوواریلان بوغدا اوچون ایسه ۱۸ مین هکتار اراضی اکیلمیشدی»، – جمال انصاری بیلدیریب.

قید ائدک کی، کئچه‌ن ایل حکومت بوغدایا ۱۷۰۰ تومان قیمت قویموش‌دو. لاکین اکین‌چیلر ایستحصال ائتدیی بوغدالاری آنبارلارا وئرمکدن ایمتینا ائد‌رک، قیمتلردن ناراضی‌لیقلارینی بیلدیردیلر. اونلار بوغدادان مالدارلیق اوچون ایستیفاده ائتمه‌یه اوستونلوک وئردیلر. بو، بوغ‌دا اکی‌می ایله مشغول اولانلارا داها چوخ صرف ائدیردی.