شرقی آرالیق دنیزینده آمریکا و اونون دستکلدیی قوه‌لرین هدفی تورکییه و روسییادیر.

آخار. آذ خبر وئریر کی، بو سؤزلری تورکییه‌لی سیاسی اکسپرت مسعود حقی بیلدیریب.

"تورکییه اؤزونو حربی تعلیملرله قورخوتماغا چالیشان آبش، جنوبی کیپر، و یونانیستان دوشرگه‌سینه قارشی لازیم اولارسا، حربی گوج‌دن ایستیفاده ائدیلجیینی ۳ بؤیوک حربی تعلیمله اورتایا قوی‌دو. تورکییه و شیمالی قبرسی سؤزوگئدن بؤلگه‌ده کناردا ساخلاماغا چالیشیرلار، تورکییه ده بونا قارشی چیخیر و پرزیدنت رجب طیب اردوغان دا تورکییه‌نین اصلا شرق آرالیق دنیزین‌ده‌کی منفعتلرین‌دن ایمتینا ائتمیجیینی وورغولادی. بورادا اوچ مقام وار. بونلاردان بیری مسئله‌نین بین للخالق حقوقی اؤلچوسودور. تورکییه بونو سؤیلییر: بؤلگه ساحل اؤلکه‌لری آراسین‌دا مباحصه یارادارسا، صولح یولو ایله و کونسنسوسلا حل ائدیلمه‌لیدیر. هم آوروپا بیرلیگی، هم ده آمریکا، جنوبی قبرس و یونانیستان شرقی آرالیق دنیزینی حل ائدیلممیش وضعیته گتیریرلر. بو اؤلکه‌لر تورکییه‌نی تهدید ائدیر و حربی مانئورلرله کونجه سیخیشدیرماغا جهد ائدیرلر. تورکییه-روسییا یاخینلاشماسی دا آمریکان ناراحات ائدیر. یاخین شرق‌ده وارلیغینی داوام ائتدیره‌ن روسییا دا، تورکییه کیمی، آمریکانین هدفین‌ده‌دیر"، - حاقی قید ائدیب.