ایران پرزیدنتینین حقوق مسئله‌لری اوزره معاوینی «سربست توپلاشما حقوقونون تعمین ائدیلمه‌سی و یوروشلرین کئچیریلمه‌سینین تشکیلی» اوزره یئنی لاییحه حاضرلاییب.

آخار. آذ خبر وئریر کی، لاییحه‌یه اساساً، تشکیلاتچیلار آکسییالارین کئچیریلمه‌سیندن ان آزی ۳ گون اول موافیق ایجرا حاکمیتی اورگانینا مراجعت ائتمه‌لی، رسمی اونیفورمادا اولان پلیس قوه‌لری اعتراض آکسییالارینا قاتیلانلاری قورومالیدیرلار. لاییحه‌نین قبولو ناظیرلر کابینئتینین بونونلا باغلی وئرجیی یئکون رایه باغلی‌دیر.

«قاتیلانلارین سلاح‌سیز اولدوغو و اعتراض آکسییاسینین موتیولری ایسلامین و مذهبین ۵ تمل شرطی ایله ضدیت تشکیل ائتمدیی تقدیرده، هر کسین سربست توپلاشما و یوروش کئچیرمه حاقی وار»، - دئیه لاییحه‌نین متنین‌ده قید ائدیلیر.

بوندان اؤنجه، یعنی ۲۰۱۸-جی ایلین ایون آیین‌دا ایرانین نازیرلر کابینئتی اؤلکه‌نین بؤیوک و کیچیک شهرلرین کئچیریله‌ن اعتراض آکسییالارینین سانکسیالاشدیریلماسی ایله باغلی شرطلری آچیقلامیش‌دی. همین بیانات‌دا تهرانین بیر نئچه ایستادیونو و پارکی آکسییالارین کئچیریلمه‌سی اوچون «مناسیب مکان» کیمی اعتراضچیلارا تقدیم ائدیلمیشدی. اما ایران آدمینستراتیو عدالت محکمه‌سی ناظیرلر کابینتینین سؤزوگئدن قرارینی تصدیقلممیشدی.

میللی مجلیسین ده اوخشار قرار قبول ائتمه‌سینه باخمایاراق، او، هله ده قوه‌یه مینمه‌ییب.