۳ آذربایجان میللی فعالی تهرانین اوین حبسخاناسینین اطلاعات ناظیرلیینه مخصوص اولان ۲۰۹ نمره‌لی بندینه کؤچورولوب.

بو باره‌ده اینسان حاقلاری تشکیلاتی معلومات یاییب. سؤزوگئدن فعاللارین منصور فتحی، علی ایبراهیمی و صالح اکرامی اولدوغو بیلدیریلیر.

آدلاری چکیله‌ن فعاللار دوروملاری ایله باغلی عائله‌لرینه قیسا تلفن باغلانتی‌سی زامانی معلومات وئریبلر.

فعاللار تهرانین ۱۵ کیلومترلیین‌ده یئرلشه‌ن نسیم شهرین‌ده بنزینین باهالاشماسینا اعتراض اولاراق کئچیریله‌ن آکسییالاردا میللی حرکتین آماجلارینی سسلندیرمه‌سینلر دئیه، تهران اوستانینین تهلوکه‌سیزلیک قوه‌لری طرفین‌دن نویابرین ۱۰-ی حبس ائدیلیبلر.

قید ائدک کی، بو آکسییالار چرچیوه‌سینده اؤلکه‌نین بیر چوخ شهرین‌ده ۴۰ نفردن چوخ میللی فعال حبس اولونوب. چوخسایلی فعاللارا قارشی تهدیدلر باشلانیلیب.