آنا صحیفه پلانت |
بیرلشمیش میللتلر تشکیلاتی (ب.ام.ت)، سعودییه عربیستانینین نفت شیرکتی "سعودی آرامکو" اوبیکتلرینه هجوملاردا ایستیفاده ائدیلهن راکتلرین و پیلوتسوز اوچوش آپاراتلارینین آراشدیریلدیغینی و بو سلاحلارین ایران ایستحصالی اولمادیغینی بیلدیریب.
ب ام ت باش کاتیبی آنتونیو گوترئش ب.ام.ت تهلوکهسیزلیک شوراسینین ایران نووه سازیشی ایله باغلی ۲۲۳۱ سایلی قطعنامهسینین سککیزینجی حساباتینی شورایا تقدیم ائدیب. گوترش ب.ام.ت-نین مای آییندا سعودییه عربیستانی آفیف شهرینده، ایون و آوقوستدا آبها بین الخالق هاوا لیمانیندا و سنتیابر آییندا "آرامکو" نفت زاوودلاریندا ایستیفاده اولونان سلاح سیستملرینین داغینتیلارینین آراشدیریلدیغینی بیلدیریب.
او وئردیی آچیقلاما زامانی قید ائدیب کی، ب.ام ت بو هجوملاردا ایستیفاده ائدیلهن راکت و پیلوتسوز اوچوش آپاراتلارینین ایرانا عایید اولدوغونو ثبوت ائده بیلمهییب. ب.ام.ت-نین هجوملاردا ایستیفاده ائدیلهن راکتلر و پیلوتسوز اوچوش آپاراتلاری حاقیندا علاوه معلومات توپلاماق و تحلیل ائتمهیه داوام ائتدیینی بیلدیرهن گوترش حوثیلرین الینده بو جور پیلوتسوز اوچوش آپاراتلارینین اولمادیغینی دئییب.
تاریخ
2019.12.11 / 10:17
|
مولف
Axar.az
|