بو پروبلمی کیم یاراتدی؟ آوروپادا نیه قاچقینلار وار؟ آوروپا، آمریکا، تورکییه و دیگرلری طرفین‌دن دستک‌لنه‌ن تروریزم سببین‌دن... آوروپا سورییادا یارادیلان خاوسون آنا اویونجوسودور. یعنی نه اکرسه‌ن، اونو دا بیچرسه‌ن.

آخار. آذ خبر وئریر کی، بو سؤزلری سورییا پرزیدنتی بشار اسد ایتالییا تلویزییاسینا مصاحیبه‌سین‌ده دئییب.

روسییا-تورکییه راضیلاشماسی حاق‌دا دانیشان اسد بیلدیریب کی، روسییانین رولونو آنلاماق لازیم‌دیر:

«روسییا بین الخالق حقوقا و بو حقوقا سؤیکه‌نه‌ن بین الخالق نیظامین روسییانین و دونیادا هر کسین ماراغینا اویغون اولدوغونا اینانیر. یعنی اونلار سورییانی دستکله‌یه‌رک اصلین‌ده بین الخالق حقوقو دستکلییرلر.

ایکینجی‌سی، ترورچولارا قارشی اولماق روس خالقینین و دونیانین ماراقلارینا اویغوندور. تورکییه ایله اولماق، اونونلا راضیلاشماق تورکییه‌نین ایشغالینی دستکله‌مک آنلامینا گلمیر. عکسینه، تورکلرین سورییانی ترک ائتمه‌لری اوچون رول آلماق ایستییرلر. تورکلری دستکلمیرلر».

ژورنالیستین «اوزون وعده‌ده سیز و حؤرمت‌لی اردوغان آراسین‌دا بیر گؤروش پلانی وارمی» سوالینا بشار اسدین جوابی دقیق اولوب: «بیر گون بونا مجبور اولسام، بوندان غرور دویمارام»

اسد داوام ائد‌رک اردوغان حاقین‌دا «فورستچیل بیر ایسلام‌چی» ایفاده‌سینی ایشلدیب:

«هر زامان دئییرم. منیم ایشیم ائتدیکلریم و یا ائتمدیکلریمه گؤره خوشبخت اولوب-اولماماق مسئله‌سی دئییل. مسئله منیم دویغولاریملا باغلی دئییل، سورییانین ماراقلاریدیر. بو سبب‌دن سورییانین ماراقلاری منیم هارا گئتمیی‌می واجیب ائدرسه، اورا گئدره‌م».