اردبیل سو ایداره‌سینین مدیری ۵ نفر ایله بیرلیک‌ده ۲۰ ایل حبس، ۱۰۰ میلیون تومه‌ن پول جریمه‌سی و ۷۴ شلاق جزاسینا محکوم ائدیلیبلر.

بو باره‌ده اردبیلین پروکورورو ناصر عتباتی ژورنالیستلره آچیقلاماسی زامانی بیلدیریب.

«اردبیل سو ایداره‌سینین مدیری سلامت عزیزی محکمه‌نین رایینه اساساً، کوروپسییا سببی ایله ۷ ایل حبس، ۱۰۰ میلیون تومه‌ن جریمه جزاسینا محکوم اولونوب. همچینین، او، عمورلوک دؤولتین وئردیی ایمتیازلاردان محروم ائدیلیب.

بو شخص وظیفه‌سین‌دن سوء-ایستیفاده، سند ساختالاشدیرماق و قانون‌سوز بیر سیرا ایشلرینه گؤره بو جزایا محکوم اولونوب.

جینایت ایشینین باشقا متهمی موسی جوادی ده، کورروپسییا، سند ساختالاشدیریلماسی سببین‌دن دولایی ۳۰۰ میلیون تومه‌ن نقد پول جریمه‌سی و ۲۱ ایل حبسه محکوم اولوب. دیگر ۴ متهمین باره‌سین‌ده ده نقد پول جریمه‌سی و شلاق حکمو چیخاریلیب.