آسییا فوتبال کونفدراسییاسی ایرانین فوتبال فدراسییاسینی ۳ مین دلار جریمه ائدیب.

بو باره‌ده آسییا فوتبال کونفدراسییاسینین رسمی سایتی معلومات یاییب.

سایت‌دا بو کونفدراسییانین اینضیباطی کمیته‌سینین یئنی حکملری بیلدیریلیب کی، بو حکمون بندلریندن بیرین‌ده ایرانین فوتبال فدراسییاسی ۳ مین دلار جریمه اولونوب.

جریمه‌نین سببی، آسییا چمپیوناتین‌دا ایرانین ۱۶ یاشدان آشاغی فوتبال کومانداسینین آزارکئشلری مالدیو کومانداسینا سو قابی آتیبلار.

آسییا فوتبال کونفدراسییاسی هابئله بیلدیریب کی، فوتبال فدراسییاسی بو جریمه‌نی ۳۰ گون عرضین‌ده اؤد‌مه‌لیدیر. باش وئرن حال سونراکی گؤروشلرده ده تکرار ائدیلسه، ایرانین فوتبال فدراسیییاسی داها بؤیوک جریمه ایله اوزلشه‌جک.