آمریکاین سنا مجلیسین‌ده ۱۹۱۵-جی ایل حادثه‌لرینی «ارمنی سویقیریمی» اولاراق تانییان قطعنامه قبول ائدیلیب.

دموکراتلارین نظارتی آلتین‌دا مجلیسه تقدیم ائدیلن قانونا ۴۰۵ لئهینه، ۱۱ علیهینه سس وئریلیب.

قطعنامه‌ده ۱۹۱۵-۱۹۲۳-جو ایللر آراسین‌دا باش وئره‌ن حادثه‌لرین «سویقیریم» اولاراق تانینماسی و بو شکیل‌ده خاطیرلانماسی ایستنیلیب.

قرار مجبوری کاراکتر داشیماییب. نماینده‌لر قطعنامه‌سی، آمریکانین ۱۹۱۵-جی ایل حادثه‌لرینی سویقیریم کیمی تانیماسی آنلامینا گلمیر.

بو قرارین تصدیقی ایله آمریکا کنگرسینین قوُلو اولان سنا مجلیسی ایلک دفعه ۱۹۱۵-جی ایل حادثه‌لرینی «سویقیریم» آدلاندیریب.

تورکییه‌نین خاریجی ایشلر ناظری مؤولود چاووشوغلو آمریکا مجلیسینی ۱۹۱۵-جی ایل حادثه‌لرینی «ارمنی سویقیریمی» آدلاندیرماسی ایله باغلی قرارینا جواب وئریب:

«تاریخی حادثه‌لردن سوء-ایستیفاده ائد‌نلر گئرچکلر ایله اوزبوز اولماقدان قورخورلار. آمریکا مجلیسینین قراری سیاسی بیر شوودور و هئچ بیر قانونی دیری یوخدور»، او، تویتر حسابین‌دا یازیب.