ایران میللی مجلیسین‌ده جنوبی تهران ایالتینین یارادیلماسی ایله باغلی ۱۶ میلت وکیلی طرفین‌دن تکلیف ایر‌لی سورولوب. لاییحه‌ده تورکلر، کوردلر و لورلار کیمی میللتلره قارشی سیستماتیک آیری-سئچکیلیک آچیق-آشکار اعتراف ائدیلیر.

آخار. آذ خبر وئریر کی، لاییحه‌ده ۱۶ میللت وکیلی ایسلامشهر، باهاریستان، روبات کریم، ساوه و زرندییه شهرلرینین مؤوجود تهران ایالتین‌دن آیریلماسی و مرکزی پرند شهری اولماقلا، یئنی جنوبی تهران ایالتینین تشکیل ائدیلمه‌سینی تکلیف ائدیرلر.

«۱۵ میلیون‌دان چوخ اهالی‌سی اولان تهران ایالتین‌ده حکم سوره‌ن قاریشیق وضعیتی نظارته آلماق اوچون جنوبی تهران ایالتی یارادیلمالیدیر. دیگر طرف‌دن، بئله قاریشیق وضعیت سببین‌دن تهران‌دا یئرلشن باش ایداره‌لر جنوب رایونلارینین آغیر شرایطلرینی و پروبلملری آراشدیرا بیلمیرلر»، - دئیه میلت وکیللری لاییحه‌نی اساسلاندیرارکه‌ن بیلدیریبلر.

قید ائتمک لازیم‌دیر کی، آدلاری چکیلن بؤلگه‌لر اهالی باخیمین‌دان تهران ایالتیندن فرقلنیرلر. تهران ایالتینین جنوب حیصه‌سین‌ده یئرلشن بؤلگه‌ده اکثریتی تورکلر، کوردلر و لورلار تشکیل ائدیر.