آمریکا پرزیدنتی دونالد ترامپ سون کشفیات معلوماتلارینین عکسینه اولاراق، پنتاگونا گنرال قاسیم سلیمانین اؤلدورولمه‌سی باره‌ده امر وئریب.

آخار. آذ خبر وئریر کی، بو باره‌ده معلوماتی "نیو یورک تایمس» قزئتی ترامپ آدمینیستراسییاسین‌داکی منبع‌لره ایستینادا یاییب.

معلوماتا گؤره، ترامپ دکابرین ۲۸-ده گنرالین فیزیکی محوین‌دن ایمتینا ائدیب و بونون اوزینه دکابرین ۳۰-دا آمریکا حربی هاوا قوه‌لرینه عراقین سورییا ایله سرحدینه یئرلشن ال-قایم شهرین‌ده‌کی کتایب حزبوللاهین دوشرگه‌سینه هجوم ائتمه‌یه گؤستریش وئریب.

قزئت اونو دا قید ائدیب کی، هجوم نتیجه‌سین‌ده ۲۵ نفر اؤلدورولوب و ان آزی ۵۰ نفر یارالانیب.

بئله بیر امرین وئریلمه‌سینه سبب ایسه آمریکانین عراق‌داکی سفیرلیینین قارشی‌سین‌دا اعتراض آکسییاسینین کئچیریلمه‌سی گؤستریلیب.