آذربایجان ایله آلمانییا آراسین‌دا مناسیبتلر هئچ کیم‌ده شوبهه دوغورمایاجاق قدر آیدین، صمیمی و یوکسک سوییه‌ده‌دیر.

بونو رئپورت-آ آچیقلاماسین‌دا آلمانییا بوندئستاقینین (پارلامنتینین) حاکم خریستیان دموکراتیک پارتییاسین‌دان اولان میلت وکیلی نیکولاس لؤبئل دئییب.

او وورغولاییب کی، قارشی‌لیق‌لی سفرلر، ایمضالانان ایستراتژی سندلر و بین الخالق موستویلرده امکداشلیق بو مناسیبتلری داها دا محکملندیریر.

بوندستاق عضوو آلمانییانین آذربایجانین اراضی بوتؤولویونو بیرمه‌نالی اولاراق دستکلدیینی بیلدیریب: «هئچ شوبهه‌سیز کی، داغلیق قاراباغ پروبلمینین حلی ایستیقامتین‌ده حاضیرکی ایستاتوس-کوونون آرادان قالدیریلماسی ضروری‌دیر. طبیعی کی، بو، بین الخالق حقوق نورمالاری، اراضی بوتؤولویونون پوزولماماسی شرطی ایله اولمالی‌دیر. بو معنادا بیز آتت-این مینسک قروپونون فعالیتینی دستکلییریک. قاراباغ آذربایجانا عاییددیر، آذربایجانین ترکیب حیصه‌سی‌دیر. ب.ام.ت-نین ۴ حقوقی سنه‌دی بو اراضیلرین آذربایجانا عایید اولدوغونو تصدیقلییر. بیز چوخ آرزولاییریق کی، اوزون زامان‌دیر داوام ائد‌ن بو موناقیشه سونا چاتسین، قفقازدا صولح برقرار اولسون».