اؤت‌ن گونلرده تهران‌دا سئپاه طرفین‌دن راکئتله وورولان اوکراینایا مخصوص «بوینگ ۷۳۷-۸۰۰» تیپ‌لی سرنیشین طیاره‌سین‌ده هلاک اولانلاردان ۴-او گونئی آذربایجانین خوی شهرین‌دن اولوب.

آخار. آذ خبر وئریر کی، خوی اهالی‌سی سوسیال شبکه‌لرده چاغیریش متنی یایاراق گوناه‌سیز یئرلیلرینین طیاره‌ده هلاک اولماسی ایله باغلی اعتراض ییغینجاغی کئچیره‌جکلرینی بیلدیریبلر.

متن‌ده بیلدیریلیر:

«بوینگ سرنیشین طیاره‌سینین سپاه-این اؤزباشینا امکداشلاری طرفین‌دن بیرباشا وورولماسی فاجعه‌سین‌ده دؤرد یئرلیمیز هلاک اولوب. بونون اوچون بازار ائرته‌سی گونو یئرلی واختلا ساعت ۱۷:۰۰-دا خوی شهرینین مرکزینه توپلاشاراق دینج اعتراض آکسییاسی کئچیره‌رک فاجعه‌نی یارادانلار و یالان‌چی شخصلرین محکمه قارشی‌سینا چیخاریلماسینی طلب ائدجییک. بون‌دان علاوه طیاره فاجعه‌سی قوربانلارینین خاطره‌سینه شاملار یان‌دیریلاجاق.»

خاطیرلاداق کی، یانوارین ۸-ده تهرانین خمینی بین الخالق هاوا لیمانین‌دان قالخاراق کیئو شهرینه ایستیقامت گؤتوره‌ن «اوکراینا بین الخالق هاوا یوللاری»نا مخصوص «بوینگ ۷۳۷-۸۰۰» تیپلی سرنیشین طیاره‌سی ایسلام اینقیلابی کئشیک‌چیلری کورپوسو طرفین‌دن وورولوب. نتیجه‌ده طیاره‌ده اولان ۹ نفر هئیت عضوو و اکثریتی ایران و کانادا وطنداشلارین‌دان عبارت ۱۶۷ سرنیشین هلاک اولوب. بو فاجعه ایران و گونئی آذربایجان شهرلرین‌ده گئنیش اعتراض آکسییالارینا یول آچیب.