۲۰۱۷-جی ایل نویابرین ۲۷-ده بوتون دونیانین گؤزو بؤیوک بریتانییایا – بوکینگهام سارایینا زیللنمیشدی. کرال عائله‌سینین ان نادینج، کاپریزلی، ارکؤیون عضوو شاهزاده هارری اؤزوندن ۳ یاش بؤیوک، دول، مولات آکتریسا ایله نیشانلاندی.

بریتانییا مطبوعاتی خانیمین صاحب اولدوغو خصوصیتلره گؤره کرال عائله‌سینه یاراشمادیغینی، کرالیچا الیزابئتین بو ایزدیواج‌دان ناراضی اولدوغونو یازدی، اما بو، هئچ نیی دییشمه‌دی. جوتلوک ۲۰۱۸-جی ایلین مای آیین‌دا ائولندی. شاهزاده اویلیام و کترین میددلتونون تویون‌دان فرقلی اولاراق، بو مراسیم‌ده اؤلکه رسمیلرینین چوخو، او جمله‌دن، باش ناظر ایشتیراک ائتمه‌دی.

کرال عائله‌سینین عضوو اولدوق‌دان سونرا مئقانا قویولان قاداغالار اونو سیخماغا باشلادی. اونا آکتریسالیغا داوام ائتمک، سلفی چکمک، سوسیال مئدیادان ایستیفاده ائتمک، مینی اتک و یا هوندور پلاتفورما آیاققابی گئیینمک قاداغان ائدیلدی. مگان مارکل همچینین بریتانییا و آمریکا مطبوعاتینین هدفینه چئوریلیردی. چوخلاری بونو مگانین آفروامئریکا قانی قاریشیغی اولماسی ایله علاقه‌لندیریردی. مطبوعاتین الین‌دن تنگه گلن جوتلوک «سان»، «نیوز اوف ده وؤرلد» و «دیلی میررور» نشرلرینی محکمه‌یه وئردی. پروسسلرین یوروجو و قیزغین اولدوغو بیر واخت‌دا اوغوللاری آرچینی ده گؤتوروب کانادایا گئتدیلر.

شاهزاده هارری یاشادیقلاری وضعیتی بئله ایفاده ائتمیشدی: «اولجه آنامی ایتیردیم، ایندی ده حیات یولداشیمین عینی گوج مرکزلرینه قوربان گئتمه‌سینین شاهیدی اولورام».

کانادادان قاییتدیق‌دا ایسه دونیا مطبوعاتینا بومبا کیمی دوشه‌ن او خبری یای‌دیلار: شاهزاده هارری و مگان مارکل اینستاگرام واسطه‌سیله کرال‌لیق ایمتیازلارین‌دان ایمتینا ائتمک و مادی موستقیل‌لیک الده ائتمک ایستدیکلرینی بیلدیردیلر:

«بیز کرال عائله‌سینین یوکسک وظیفه‌لی اوزولویون‌دن کنارلاشماق و مادی جهت‌دن موستقیل اولماق اوچون چالیشیریق. بوتون حاللاردا هر زامان اعلاحضرت کرالیچایا دستک وئرجییمیزه سؤز وئریریک».

آچیقلامادا جوتلوک بؤیوک بریتانییادا دئییل، آمریکادا یاشاماق نیتین‌ده اولدوقلارینی بیان ائدیبلر. بریتانییا مطبوعاتینین یایدیغی معلوماتا گؤره، بو قرار کرالیچا ۲-جی الیزابئتی چوخ غضبلندیریب. بئله کی، هارری و حیات یولداشی آلدیغی بو قرار حاق‌دا اؤنجه‌دن نه کرالیچایا، نه ده شاهزاده چارلزا معلومات وئریبلر. بونا باخمایاراق، کرالیچا اونلارین قرارینا حؤرمت ائتدیینی بیلدیریب.

شاهزاده هاررینین بو آددیمی خانیمی مارکلین تضییقی ایله آتدیغینی یازان بریتانییا مطبوعاتی باش وئره‌نلری اینگیلتره‌نین آوروپا بیرلیین‌دن آیریلماسی ایله مقایی‌سه ائد‌رک یئنی بیر کینایه‌لی تئرمین یارادیب مقسیت (برکسیته اویغون).

«ای» قزئتی ایسه بو حادثه‌نی ۱۹۳۶-جی ایلده‌ن (VIII ادواردین تاخت‌دان چکیلدیی تاریخ) بو گونه کیمی کرال عائله‌سین‌ده یاشانان ان بؤیوک بحران آدلاندیریب.

جوتلوک یاخین گله‌جک‌ده یئنی بیر خئیرییه فون‌دو یاراداجاغی و مطبوعاتا آچیقلاما وئرجیینی اعلان ائدیب.

اینگیلتره مطبوعاتی تاختین ۶-جی واریثی هاررینین ۴۵ میلیون دلار شخصی بودجه‌سینین اولدوغونو ادعا ائدیر.

خاطیرلاییرسینیزسا، مئقان و هاررینین «ساسکس رویال» مارکاسینی تاسیس ائتدیکلری و قیسا مدت‌ده تحصیل کیتابلارین‌دان قزتلره، ژورناللارا و گییملره قدر گئنیش بیر ساحه‌ده فعالیت گؤستره‌جکلری حاق‌دا معلومات یاییلمیش‌دی. مگان مارکل کرال عائله‌سین‌ده‌کی عهده‌لیک و مادی ایمتیازلاردان ایمتینا ائتدیک‌دن درحال سونرا «دیسنی»له مقاویله ایمضالاییب. بئله کی، هرسوقینیا یاخین گله‌جکده جیزگی فیلملرینین سسلندیریلمه‌سینه باشلایاجاق. گنج جوتلوک یاخین گله‌جکده میلیونلار قازانماغین یولونو تاپیب و بو، اونلارین کرال عائله‌سینین ایمتیازلارین‌دان بئله آسانلیقلا واز کئچمه‌سینین اساس سببلریندن بیریدیر.