ایران اوکراینا طیاره‌سینه گؤره بوتونلوکله مسئولیت داشیییر.

بو سؤزلری تهران‌دا وورولان اوکراین طیاره‌سی ایله باغلی آراشدیرمالاردا ایشتیراک ائد‌ن بئش اؤلکه‌نین خاریجی ایشلر ناظرلری دئییب.

ناظیرلرین سؤزلرینه گؤره، حادثه‌ده ایران بوتون مسئولیتی اؤز اوزرینه گؤتورمه‌لی و حادثه‌نین سببینی آیدینلاش‌دیرماق اوچون بین الخالق متخصصلرله امکداشلیق ائتمه‌لی‌دیر.

خاطیرلاداق کی، ایران اوچ گونلوک اینکاردان سونرا سپاه-این راکت مدافیعه سیستمی ایله سرنیشین طیاره‌سینه ضربه ائندیردیینی اعتراف ائدیب. حادثه نتیجه‌سین‌ده هم ایکی‌لی وطنداشلیغی اولانلار، هم ده خاریجی وطنداشلار حیاتلارینی ایتیریبلر.

اوکراینا هاوا یوللاری شیرکتینین ۷۵۲ سایلی اوچوشو ایله اوچان طیاره‌ده‌کی ۱۴۶ ایران وطنداشی و اساساً ایکی‌لی وطنداش‌لیغی اولان ۶۱ کانادا وطنداشی، ۱۱ اوکراین وطنداشی، بیر نئچه افغانیستان، ایسوچ و بریتانییا وطنداشلاری هلاک اولوبلار.