آمریکا مالییه ناظرلیگی خاریجی شیرکتلره ایرانا قارشی یئنی سانکسییالارا عمل ائتمک اوچون ۹۰ گونلوک فورصت وئریر.

بو باره‌ده «رویترس» معلومات یاییب.

معلوماتا گؤره، ناظرلیک خاریجی شیرکتلرین ایرانا کئچه‌ن هفته تطبیق اولونان سانکسییالارا عمل ائتمه‌سی اوچون ۹۰ گونلوک زامان وئردیینی آچیقلاییب.

اوچ آیلیق مدت ۹ آپرئل‌ده باشا چاتاجاق و آمریکا سانکسییالارینا عمل ائتمه‌یه‌ن شیرکتلر بون‌دان سونرا واشینگتن طرفین‌دن جریمه‌لنه‌جکلر.

آمریکا مالییه ناظری ایستیون منوچین دؤولت کاتیبی مایک پومپئو ایله کنفرانس‌دا ایرانا قارشی سانکسییالاری مذاکیره ائدیب و سانکسییالار اینشاعات، عمران، معدن‌چی‌لیک، پارچا، مئتال و دمیر صنایع‌سینی هدف آلاجاغینی سؤیله‌ییب.

آمریکا مالییه ناظرلیگی طرفین‌دن وئریله‌ن آچیقلامادا ایران‌لیلار دا سانکسییالار سیاهی‌سین‌دادیر.

سلاح‌لی قوه‌لر باش قرارگاهینین کووردیناتورو علی عبدوللاهی، سلاح‌لی قوه‌لرین باش قرارگاه رئیسینین معاوینی محمد رضا آشتیانی، ایران لیدرینین بین الخالق رابطه اوفیسی رهبرینین معاوینی مؤهسون قومی، رهبرلیین بین الخالق رابطه موعاوینی محسن رضایی، مصلحت شوراسینین کاتیبی علی شامخانی، بسیج مستضعفین تشکیلاتینین رهبری غلامرضا سلیمانی آمریکا سانکسییالار لیسته‌سین‌ده یئر آلیبلار.