خبر وئردییمیز کیمی، ارمنیستان میللی تهلوکه‌سیزلیک خیدمتینین کئچمیش دیرکتورو گئورگی کوتویانین جسدی بو گون ایروان‌داکی ائوین‌ده آشکارلانیب. اونون اینتیهار ائتدیی ادعا ائدیل‌سه ده، بیر چوخلاری اولایین قتل اولدوغونو، کوتویانا سوی-قصد تشکیل ائدیلدیینی دئییبلر.

آخار. آذ خبر وئریر کی، مسئله باره‌ده آچیقلاماسین‌دا آنالیتیک ائلخان شاهینوغلو قتل وئرسییاسینین داها رئال اولدوغونو وورغولاییب.

او بیلدیریب کی، کوتویان کئچمیش پرئزیدئنت سئرژ سرکیسیانین ان یاخین آداملارین‌دان بیری اولوب:

«نیکول پاشینیانین حاکمیته گلمسیله کوتویان دا وظیفه‌سینی ایتیریب. ائرمنیستان‌دا نؤوبتی چالخالانمایا حاضرلیق گئدیر. کوتویانی اؤلدوره‌نلر پاشینیانی هدف گؤتوروبلر. چونکی سئرژ سرکیسیانین یاخین سلاحداشینین قتلینه گؤره پاشینیان حکومتی تنقید اولوناجاق. بو قتل‌دن سونرا پاشینیان کریمینوگئن وضعیتین ایستابیللشمه‌سی ایله اؤیونه بیلمه‌یه‌جک. قتلین سیاسی موتیولری وار. کوتویانی اؤزونونکولر قتله یئتیریبلرسه بئله، دقتلر نیکول پاشینیانا یؤنه‌له‌جک. یعنی هاردان باخیل‌سا، بو قتل پاشینیانین علیهینه ایشله‌یه‌جک.

واختیله ایتالییادا ساغ ائکسترئمیستلر اؤزلرینه یاخین ساغ پارتییانین تانینمیش نماینده‌سینی اؤلدوروردولر کی، شوبهه‌لر رقیبلری اولان سول ائکسترئمیستلرین اوزرینه یؤنل‌سین. ائرمنیستان‌دا دا عینی سسئناری ایشله‌یه بیلردی».

قئید ائدک کی، بو گون ائرمنیستان میللی تهلوکه‌سیزلیک خیدمتینین کئچمیش دیرئکتورو گئورگی کوتویان ائوین‌ده اؤلو تاپیلیب. اونون جسدینین یانین‌دا بوش کونیاک بوتولکاسی و شخصی تاپانچاسی آشکارلانیب. ائکسپئرتلر بونونلا کوتویانین اینتیهار ائتمه‌سی حاق‌دا تسورات یارادیلدیغینی، لاکین اولایین قتل اولماسینین داها رئال و ایناندیریجی واریانت اولدوغونو بیلدیریبلر.