آذربایجان رسپوبلیکاسینین پرزیدنتی ایلهام علیئو و بیرینجی خانیم مهریبان علیئوا یانوارین ۲۰-ده - عمومخالق حزن گونون‌ده شهیدلر خیابانین‌دا ۲۰ یانوار شهیدلرینین خاطره‌سینی یاد ائدیبلر.

آخار. آذ خبر وئریر کی، دؤولت باش‌چی‌سی «ابدی مشل» عابده‌سینین اؤنونه اکلیل قویوب.

مدافعه ناظیرلیینین علاحیدده نمونوی حربی اورکسترینین ایفاسین‌دا آذربایجان رسپوبلیکاسینین دؤولت هیمنی سسلنیب.

دؤولت و حکومت رسمیلری، رسپوبلیکامیزداکی دینی اجماعلارین باش‌چیلاری، خاریجی اؤلکه‌لرین آذربایجان‌داکی سفیرلری، بین الخالق تشکیلاتلارین نماینده‌لری ده شهیدلرین عزیز خاطره‌سینی یاد ائدیبلر.

شهیدلر خیابانینین زیارت اولونماسی مراسیمین‌ده باش ناظر علی اسدوو، میللی مجلیسین صدری اوگتای اسدوو و پرزیدنت آدمینیستراسییاسینین رهبری سامیر نوریئو ایشتیراک ائدیبلر.