ایرانین یوللار و شهر تیکینتی‌سی اوزره ناظری محمد ایسلامی ایران پرزیدنتی حسن روحانینین اوکراینا پرزیدنتی ولادیمیر زلنسکییه مئساژینی چاتدیرماق اوچون کیئوه یولا دوشه‌جک.

تلگراف. کوم خبر وئری کی، بو باره‌ده بازار ائرته‌سی کئچیردیی مطبوعات کنفران‌سیندا ایران خاریجی ایشلر ناظیرلیینین رسمی نماینده‌سی عباس موسوی بیلدیریب.

«ایرانین یوللار و شهر تیکینتی‌سی اوزره ناظری محمد ایسلامی ایران پرزیدنتی حسن روحانینین اوکراینا پرزیدنتی ولادیمیر زلنسکییه اوکراینا طیاره‌سینین قزایا اوغراماسی ایله باغلی مئساژینی چاتدیرماق اوچون کیئوه یولا دوشه‌جک»، – دئیه ایرانی «ایرنا» دؤولت آگئنت‌لیگی موسوییه ایستینادا یازیب.

قید ائدک کی، اوکراینا پرزیدنتی ولادیمیر زلنسکی بوندان اول تهران‌دان گناهین تام اعتراف اولونماسینی، رسمی عذر ایسته‌مه‌سینی، گناهکارلارین جزالاندیریلماسینی و تظمینات اؤدنیلمه‌سینی گؤزلدیینی سؤیله‌ییب.