جنوبی کورئیا هؤرموز بوغازینا حربی قوه‌لرینی گؤندریر.

آخار. آذ خبر وئریر کی، حکومت حاضردا عد‌ن کؤرفزین‌ده خیدمت ائد‌ن دونانمانین دنیز قولدورلوغو ایله مباریزه قوشونلارینین عملیات ساحه‌سینی موقتی اولاراق گئنیشله‌ندیرمک اوچون هرموزه یوللاییر.

«یونهاپ»این جنوبی کورئیا مدافعه ناظیرلیینین آچیقلاماسینا ایستیناد ائتدیی خبرده گؤندریله‌جک عسگرلرین آمریکا لیدرلیین‌ده‌کی کوالیسییا قوه‌لرین‌دن مستقیل حرکت ائدجیی بیلدیریلیب.

بو دونانمانین اساس وظیفه‌سی هرمزده‌کی جنوبی کورئیا گمیلرینی و وطنداشلارینی قوروماق اولاجاق.

قید ائدک کی، اؤتن ایلین ۱۳ ایونون‌دا یاپونییانین باش ناظری شینزو آبه تهرانا رسمی سفر ائتمیش، بو اسنادا هرموز بوغازینین جنوبون‌داکی عمان کؤرفزین‌ده بیری یاپونییا، دیگری نوروئچه عایید ایکی تانکر هجوما معروض قالمیشدی. بؤلگه‌ده کشفیات تهلوکسیزلیینی تعمین ائتمک اوچون بین الخالق کوالیسییا قورماغا تشببوس گؤستره‌ن آمریکا حکومتینه بؤیوک بریتانییادان باشقا، دیگر آوروپا اؤلکه‌لری منفی جاواب وئرمیشدی. آوروپا اتفاقی و یاپونییا بؤلگه‌یه آیریلیق‌دا دونانما یئریدجیینی اعلان ائتمیش‌دی.

بصره کؤرفزی و احاطه‌سین‌ده‌کی تهلوکسیزلیین بؤلگه اؤلکه‌لری ایله بیرلیک‌ده تعمین ائدیلمه‌سینی بیلدیره‌ن رسمی تهران بو چرچیوه‌ده کؤرفزین تهلوکه‌سیزلیگی مؤوضوعسون‌دا رگیون اؤلکه‌لرینین امکداشلیغینی نظرده توتان «هرموز صلهح تشببوسلری» آدینی وئردیی پلان حاصیرلامیشدی. بو پلانا ایسه ساده‌جه قطر و عمان ماراق گؤسترمیشدی.