ایرانین کوت‌ده‌کی سفیری محمد ایرانی «سپاه»ین بیر سیرا رسمیلرینین سون بیاناتین‌دان سونرا بو اؤلکه‌نین خاریجی ایشلر ناظیرلیینه چاغیریلیب.

آخار. آذ خبر وئریر کی، بو باره‌ده، کویتین رسمی خبر آگنت‌لیگی یانوارین ۲۴-ده معلومات یاییب.

معلوماتا اساساً، کویتین خاریجی ایشلر ناظرینین معاوینی خالید ال-جارللاه ایران سفیری ایله گؤروش‌ده، «سپاه» رسمیلرینین قاسم سلیمانینین اؤلدورولمه‌سی عملیاتین‌دا کویتین رول اویناماسی ایله باغلی ایر‌لی سوردویو اتهاملاری رد ائدیب: «قاسم سلیمانینین اؤلدورولمه‌سی ایله باغلی کئچیریلن عملیات‌دا گویا کویتین «علی السالیم» حربی بازاسین‌دان ایستیفاده ائدیلمه‌سی کیمی تکرار اتهاملارین ایر‌لی سورولمه‌سی قبول ائدیلمزدیر.

بو کیمی اساسسیز اتهاملارین تکرار اولونماسی بیزیم تعجبوموزه و ناراحاتلیغیمیزا سبب اولوب. حساب ائدیریک کی، بو کیمی بیاناتلارین سسلندیریلمه‌سی کویتله ایران علاقه‌لرینه خلل گتیره بیلر» -دئیه، کویتین خاریجی ایشلر ناظرینین معاوینی خالید ال-جارللاه ایران سفیری ایله گؤروشونده بیان ائدیب.