ایرانین خاریجی ایشلر ناظری جواد ظریف آمریکا ایله دانیشیقلار آپاریلماسینین مومکونلویونو استثنا ائتمه‌ییب.

آخار. آذ-این معلوماتینا گؤره، ظریف بو باره‌ده آلمانییانین «ایشپیگل» ژورنالینا مصاحیبه‌سین‌ده بیلدیریب.

گنرال قاسم سلیمانینین اؤلدورولمه‌سین‌دن سونرا آمریکا ایله دانیشیقلارین مومکون اولوب-اولمایاجاغی باره‌ده سوالی جوابلان‌دیران ایران خاریجی ایشلر ناظیری دئییب کی، اینسانلارین اؤز یاناشماسینی دییشدیرمه‌سینی و رئال‌لیغی قبول ائتمه‌سینی هئچ واخت استثنا ائتمه‌ییب: «بیزیم اوچون آغ ائوده کیمین اوتوردوغو واجیب دئییل. اساس اونلارین اؤزلرینی نئجه آپارماسی‌دیر. ترامپ آدمینیستراسییاسی کئچمیشدن درس چیخارا، سانکسییالاری گؤتوره و دانیشیقلار ماساسی آرخاسینا قاییدا بیلر. بیز هله ده دانیشیقلار ماساسینداییق، ماسادان اونلار قالخیب».

خاطیرلاداق کی، بو ایل یانوارین ۳-ده گئجه بغداد هاوا لیمانی یاخینلیغین‌دا آمریکایا مخصوص پیلوت‌سوز اوچوش آپاراتین‌دان ائندیریله‌ن ضربه‌لر نتیجه‌سین‌ده ایران ایسلام اینقیلابی کئشیکچیلری کورپوسونون خصوصی تعینات‌لی «قدس» قوه‌لرینین کومان‌دانی گنرال قاسم سلیمانی و عراقین شیعه کؤنوللولردن عبارت «هشدی-شعبی» قروپلاشماسینین کوماندیر معاوینی ابو مهدی المهندس ده داخیل اولماقلا، ۱۰ نفر اؤلدورولوب.

ایران بونا جواب اولاراق آمریکانین عراق‌داکی ایکی حربی بازاسینا راکت ضربه‌لری ائندیریب. آمریکا طرفی ایتکی وئرمه‌ییب.